Haukur Heiðar Hauksson hefur tekið ákvörðun um að skrifa undir hjá KA. Þetta herma öruggar heimildir 433.is.
Haukur er samningslaus en hann lék með AIK í Svíþjóð. Haukur er staddur í Reykjavík þessa stundina en hefur ákveðið að snúa aftur heim.
,Föstudagsframsagan hefur slegið í gegn og núna á föstudaginn leggjum við allt undir! Fjölmiðlamaðurinn Tómas Þór Þórðarson mætir í KA-Heimilið og fer yfir fótboltann hjá KA undanfarin ár eins og honum einum er lagið,“ segir á viðburði KA á Facebook.
Þá kemur fram að félagið muni endurnýja samninga og vonast til að fá nýja leikmenn. Stefnt er að því að Haukur verðir kynntur til leiks.
,,Þá verður knattspyrnudeild með pennann á lofti og endurnýjar samninga auk þess sem vonandi verða gerðir einhverjir nýir.“
Haukur ólst upp í KA en hann fór til KR til að leika í efstu deild, þar lék hann í nokkur ár áður en hann fór til AIK árið 2015.
Haukur Heiðar er hægri bakvörður og miðvörður en hann var í landsliðshópi Íslands á EM árið 2016.
KA ætlar sér í toppbaráttu en Óli Stefán Flóventsson tók við liðinu í haust og hefur fyrir fengið Guðjón Pétur Lýðsson.
