Fjórir aðilar sóttu um að verða yfirmaður knattspyrnumála hjá KSÍ, þrír af þeim höfðu þá menntun sem sett voru fram. Þetta kemur fram í fundargerð sambandsins.
KSÍ hafði auglýst starfið laust og var hægt að sækjaum starfið til 15 nóvember. Nú hefur verið ákveðið að fresta því að ráða í starfið.
Guðni Bergsson, formaður KSÍ vill koma starfinu af stað en ákvaða að bíða fram yfir ársþing. Þar verður málið rætt með fulltrúum félaga í landinu.
,,Framkvæmdastjóri KSÍ kynnti skipurit skrifstofunnar sem hefur tekið nokkrum breytingum frá síðustu umræðu á stjórnarfundi í apríl. Fjórir sóttu um um stöðu yfirmanns knattspyrnumála og hafa þrír umsækjendur þá menntun sem gerð var krafa um,“ sagði í fundargerð KSÍ.
,,Stjórn KSÍ ákvað að kynna málið frekar fyrir aðildarfélögum sínum áður en lengra er haldið og verður það kynnt á formanna- og framkvæmdastjórafundi KSÍ 24. nóvember og einnig á vinnustofu í tengslum við ársþing. Ennfremur mun koma fram í greinargerð með fjárhagsáætlun 2019 að gert sé ráð fyrir þessari stöðu í fjárhagsáætlun. Framkvæmdastjóra og formanni var falið að senda umsækjendum upplýsingar um að staðan sé enn til umfjöllunar og verði fram yfir ársþing.“
Ekki er ljóst hvaða fjórir aðilar sóttu um en sterkar sögur er um að Sigurður Ragnar Eyjólfsson hafi verið einn þeira aðila.
