Atletico Madrid hefur tryggt sér sæti í 16-liða úrslitum Meistaradeildarinnar eftir leik gegn Monaco í kvöld.
Atletico hafði betur nokkuð örugglega 2-0 og á Monaco þá nánast enga möguleika á að ná þriðja sætinu sem gefur sæti í Evrópudeildinni.
Atletico komst yfir eftir aðeins tvær mínútur en Benoit Badashile varð þá fyrir því óláni að skora sjálfsmark fyrir gestina.
Á 24. mínútu leiksins kom svo annað mark Atletico er Antoine Griezmann skoraði eftir laglegan undirbúning Angel Correa.
Monaco fékk gullið tækifæri til að gera leikinn spennandi á 82. mínútu leiksins er liðið fékk vítaspyrnu. Boltinn fór í hönd Stefan Savic innan teigs og fékk hann einnig sitt annað gula spjald.
Radamel Falcao, fyrrum leikmaður Atletico, steig á punktinn fyrir Monaco en skaut framhjá. Lokastaðan því 2-0.
Lokomotiv Moskva vann góðan 2-0 heimasigur á Galatasaray á sama tíma og nældi í sín fyrstu þrjú stig.
Liðið getur ekki komist í 16-liða úrslit en mun berjast við tyrknenska liðið um sæti í Evrópudeildinni í lokaumferðinni. Schalke og Porto eru bæði komin í 16-liða úrslit í þeim riðli.
Atletico Madrid 2-0 Monaco
1-0 Benoit Badiashile(sjálfsmark, 2′)
2-0 Antoine Griezmann(24′)
Lokomotiv Moskva 2-0 Galatasaray
1-0 Ryan Donk(sjálfsmark, 43′)
2-0 Vladislav Ignatjev(54′)
