Svo gæti farið að Haukur Heiðar Hauksson skrifi undir hjá KA á föstudag, hann hefur yfirgefið AIK í Svíþjóð.
Samkvæmt heimildum 433.is gæti Haukur skrifað undir hjá KA á föstudag þegar félagið hefur boðað til skemmtunar.
,,Föstudagsframsagan hefur slegið í gegn og núna á föstudaginn leggjum við allt undir! Fjölmiðlamaðurinn Tómas Þór Þórðarson mætir í KA-Heimilið og fer yfir fótboltann hjá KA undanfarin ár eins og honum einum er lagið,“ segir á viðburði KA á Facebook.
Þá kemur fram að félagið muni endurnýja samninga og vonast til að fá nýja leikmenn.
,,Þá verður knattspyrnudeild með pennann á lofti og endurnýjar samninga auk þess sem vonandi verða gerðir einhverjir nýir.“
Haukur ólst upp í KA en hann fór til KR til að leika í efstu deild, þar lék hann í nokkur ár áður en hann fór til AIK árið 2015.
Haukur Heiðar er hægri bakvörður og miðvörður en hann var í landsliðshópi Íslands á EM árið 2016.