Arturo Vidal, leikmaður Barcelona, vonar innilega að félagið komist í úrslit Meistaradeildarinnar í maí.
Vidal og félagar geta tryggt sér toppsætið í B riðli á morgun er liðið mætir PSV Eindhoven í næst síðasta leik riðlakeppninnar.
Vidal er þekktur fyrir að vera með skrautlega hárgreiðslu en hann hefur í mörg ár skartað hanakamb.
Hann er þó alls ekki tilbúinn að raka kambinn af ef Barcelona tekst að vinna deild þeirra bestu.
,,Ekki séns! Ég vona að Barcelona vinni Meistaradeildina en ég mun ekki breyta um hárgreiðslu,“ sagði Vidal.
,,Ég vona að ég geti verið með þetta hár allan minn feril.“
