KSÍ hefur ákveðið að fresta ráðningu á yfirmanni knattspyrnumála fram yfir ársþing sem fram fer í febrúar.
ÍTF og fleiri aðilar vildu að málið færi fyrir ársþingið þar sem Guðni Bergsson, formaður KSÍ, sækir eftir endurköri.
Málið hefur lengið verið í vinnslu og tefst nú í nokkra mánuði til viðbótar.
Yfirlýsing KSÍ:
Stjórn KSÍ hefur ákveðið að fresta ráðningu í starf yfirmanns knattspyrnumála framyfir ársþing KSÍ sem er haldið í febrúar.
Þessi ákvörðun var tekin til þess að koma til móts við athugasemdir að slík stefnumarkandi ákvörðun gæti beðið umfjöllunar ársþings og nýrrar fjárhagsáætlunar.
Búið er að tilkynna umsækjendum um þessa ákvörðun og horft er til þess að ráða í stöðuna á nýju ári.