Freyr Alexandersson, aðstoðarlandsiðsþjálfari segir að það sé ósamærmi í því hvernig leikmenn séu að koma upp úr U21 árs landsliðinu.
Flestir þeim leikmenn sem eiga erindi í A-landsliðið eru sóknarsinnaðir, en íslenska landsliðinu vantar til að mynda bakverði.
„Ég hef þó nokkuð verið að velta vöngum yfir því eftir að ég tók við þessu starfi hvers vegna þeir leikmenn sem eru að koma upp í A-liðið þessa stundina og á næstunni hafa allir svipaða eiginleika. Það er ósamræmi milli þess hversu marga leikmenn við eigum í hæsta gæðaflokki í U-21 árs liðinu aftarlega og framarlega á vellinum. Hugsanlegt er að yfirmaður knattspyrnumála geti gripið inn í svona þróun á fyrri stigum,“ sagði Freyr í Fréttablaðinu í dag.
Yfirmaður knattspyrnumála verður ráðinn til starfa hjá KSÍ á næstunni Frey finnst óskýrt hvað hann mun gera.
,,Ég er hins vegar ekki viss um hvert hlutverk hans verður, mér finnst það svolítið óljóst. Það verður svo bara að koma í ljós hvernig sá aðili getur nýst okkur landsliðsþjálfurunum,“ segir aðstoðarlandsliðsþjálfarinn um þróun mála í íslenska knattspyrnusamfélaginu.