Daniel Sturridge framherji Liverpool hefur beðið um lengi frest til að svara til saka.
Sturridge er sakaður um að hafa brotið reglur um veðmál þegar hann fór á láni til WBA í janúar.
Stór veðmál komu inn á að hann færi þangað þegar það virtist ólíklegt. Talið er að hann hafi látið vini sína vita sem veðjuðu á að hann færi til WBA.
Sturridge átti að skila inn svari í dag en bað um frest, ekki er vitað hvað sá frestur verður langur.
Möguleiki er á að Sturridge fá bann í nokkra mánuði ef sekt hans verður sönnuð.
Á meðan málið er til rannsóknar getur hann spilað fyrir Liverpool.