Jose Mourinho stjóri Manchester United fær tugi milljóna punda í leikmenn í janúar.
Ensk blöð segja frá þessu í dag en Jose Mourinho var óhress með félagið í sumar. Fred og Diogo Dalot voru keyptir en það fannst Mourinho ekki nóg.
Vitað er að hann vill styrkja vörnina sína og það strax. miðverðir verða efstir á óskalistanum í janúar.
Toby Alderweireld og fleiri eru sagðir koma til greina en United mun reyna að hjálpa Mourinho að finna rétta leikmanninn.
Þetta gerir félagið þrátt fyrir að hlutabréf félagsins hafi lækkað mikið undanfarið, félagið telur það fyrst og fremst vera ástand á fjármálamörkuðum frekar en gengi liðsins.