Jesse Lingard, leikmaður Manchester United, er mikið á YouTube og skoðar myndbönd í frítímanum.

Þetta segir Lingard í viðtali við Inside United en hann var spurður út í það hvað hann gerði til að slaka á.

Lingard er 25 ára gamall í dag en hann fær nú reglulega að spila á Old Trafford undir stjórn Jose Mourinho.

Hann nefnir svo leikmenn sem hann er hrifinn af, þá Ronaldinho og Andres Iniesta sem léku með Barcelona á sínum tíma.

,,Ég horfi á mikið af myndböndum af fótboltamönnum sem og tónlistarmyndbönd,“ sagði Lingard.

,,Það er aðallega það sem ég horfi á. Klippur af Ronaldinho, klippur af Iniesta, ég elska svoleiðis myndbönd.“