Lionel Messi ákvað eftir HM í sumar að leggja landsliðsskóna á hilluna allavega tímabundið.
Messi spilaði síðasta leik sinn þann 30. júní síðastliðinn er Argentína féll úr leik á HM í 4-3 tapi gegn Frökkum.
Eftir það ákvað Messi að taka sér frí en hann er reglulega gagnrýndur fyrir frammistöðu sína með ladsliðinu.
Paulo Dybala, liðsfélagi Messi hjá landsliðinu, segir að hans sé sárt saknað af leikmönnum liðsins.
,,Við viljum fá hann aftur hingað. Við vitum hversu mikilvægur hann er en þessi ákvörðun er ekki okkar,“ sagði Dybala.
Dybala fær þó meira að spila eftir þessa ákvörðun Messi og lék í 2-0 sigri á Mexíkó á föstudag.