Joe Gomez, leikmaður Liverpool, hefur staðið sig afar vel á tímabilinu og er orðinn mikilvægur hlekkur í enska landsliðinu.

Gomez virðist vera að bæta sig mikið undir stjórn Jurgen Klopp sem hefur mikla trú á varnarmanninum.

Gomez er einnig með vopn sem Gareth Southage, landsliðsþjálfari, nýtir sér og gerði það í 2-1 sigri á Króatíu um helgina.

England vann þá 2-1 sigur á Króatíu en fyrra mark liðsins kom eftir langt innkast frá Gomez.

Það er mikið honum Thomas Gronnemark að þakka en hann var fyrr á tímabilinu ráðinn þjálfari hjá Liverpool.

Hann er sérfræðingur þegar kemur að innköstum en Klopp vildi sjálfur fá hann til starfa.

,,Ég er mjög stoltur af innkasti Joe,“ skrifaði Gronnemark á Twitter síðu sína eftir mark Englands.

Það er því óhætt að segja að Gronnemark sé ekki bara að hjálpa Liverpool heldur einnig enska landsliðinu.