Hólmbert Aron Friðjónsson er tilnefndur sem besti leikmaðurinn í næst efstu deild Noregs.
Hann hefur átt magnað tímabil með Álasund sem á enn möguleika á að tryggja sér sæti í efstu deild.
Hólmbert skoraði 19 mörk í 28 leikjum og endaði í þriðja efsta sæti deildarinnar, liðið fer í umspil um laust sæti.
Hann er tilnefndur sem sá besti ásamt Jonny Furdal úr Viking og Sondre Solholm Johansen úr Mjøndalen.
Hólmbert er að klára sitt fyrsta tímabil með Álasund en stærri lið hafa fylgst með frammistöðu hans í ár.
