Dominic Solanke, framherji Liverpool, treystir enn stjóra sínum Jurgen Klopp þrátt fyrir að fá ekkert að spila hjá félaginu.
Solanke er 21 árs gamall en hann hefur enn ekki spilað eina mínútu á þessari leiktíð.
Hann er þó ekki að flýta sér og er viss um að hann fái sénsinn fyrr eða seinna hjá Klopp.
,,Jurgen er frábær þjálfari og veit hvað hann er að gera, sérstaklega þegar hann er að ala upp leikmenn,“ sagði Solanke.
,,Þið getið séð hvað hann hefur gert við Joe Gomez og Trent Alexander-Arnold og hversu langt þeir hafa náð. Þeir hafa verið mikilvægir á tímabilinu.“
,,Ég hef þekkt þá í nokkur ár og ég hef séð þessar bætingar og hann hjálpaði þeim pottþétt.“
,,Það hafa allir hjálpað mér hérna. Síðan ég kom til Liverpool fannst mér ég vera velkominn og aðlagaðist strax.“