Thomas Vermaelen, fyrrum leikmaður Arsenal, gæti verið á leið aftur í ensku úrvalsdeildina.
Spænskir miðlar greina frá þessu en Vermaelen hefur undanfarin ár verið samningsbundinn Barcelona.
Þar hefur þó ekkert gengið hjá Belganum sem hefur verið meiddur og fær annars ekkert að spila.
Vermaelen þótti standa sig mjög vel á Englandi á sínum tíma og gæti nú verið á leið aftur til landsins.
Southampton og Watford eru þau lið sem hafa áhuga á leikmanninum sem er opinn fyrir því að fara annað.
