Barcelona íhugar það alvarlega að selja Ousmane Demele í janúar ef hann fer ekki að breyta hugsunarhætti sínum.
Þessi öflugi leikmaður hefur ekki náð flugi á einu og hálfu ári hjá félaginu.
Börsungar borguðu 125 milljónir punda fyrir Dembele sumarið 2017 er hann kom frá Dortmund.
Hann hefur hins vegar ekki staðið sig og er sagt að Barcelona sé tilbúið að selja hann á 100 milljónir punda í janúar.
Dembele hefur ekki alltaf verið í leikmannahópnum undanfarið og einnig verið látinn æfa einn.
,,Ef þú breytir ekki viðhorfi þínu eða skilur hvað það er að spila fyrir Barcelona, þá áttu ekki séns hérna,“ voru skilaboðin sem hann fékk á dögunum.