England vann dramatískan sigur á Wembley í gær er liðið mætti Króatíu í Þjóðadeildinni. England kom sér í efsta sætið í riðli 4 í A-deild og er á leið í úrslitakeppnina sem fer fram næsta sumar.
Króatía féll niður í B-deild eftir tapið í gær en liðið er með fjögur stig, þremur stigum á eftir Englandi. Spánverjar eru svo í öðru sætinu með sex stig og halda sér í A-deild fyrir næstu keppni.
Það var eins og áður sagði dramatík á Wembley en Króatar komust yfir á 57. mínútu með marki frá Andrej Kramaric. England jafnaði á 78. mínútu leiksins er varamaðurinn Jesse Lingard potaði boltanum í netið.
Harry Kane tryggði heimamönnum svo sigur er 85 mínútur voru á klukkunni og lokastaðan, 2-1.
Athygli vakti í leiknum það sem skrifað var á brúsanum hjá Jordan Pickford. Þar var hann með allar helstu skyttur Króata og hvert þær skjóta yfirleitt.
Mynd af því er hér að neðan.