Marcus Rashford lék með enska landsliðinu um helgina er liðið mætti Króatíu í Þjóðadeildinni.
England hafði betur í leiknum með tveimur mörkum gegn einu en Rashford tók ekki þátt í endurkomunni.
Framherjinn fór af velli á 73. mínútu leiksins en England skoraði svo tvö mörk undir lokin og vann 2-1 sigur eftir að hafa lent undir.
Rashford jafnaði 52 ára gamalt met í leiknum en hann spilaði sinn 16. landsleik á árinu, aðeins 21 árs gamall.
Enginn leikmaður hefur spilað eins mikið fyrir England á árinu og jafnaði Rashford met Jack Charlton sem spilaði 16 leiki árið 1966.
Það eru 11 aðrir landsliðsmenn sem hafa spilað 15 leiki árrið 2018 af 17 mögulegum.
