Michael O’Neill, stjóri Norður-Írlands, var fúll í gær eftir 2-1 tap liðsins gegn Austurríki í Þjóðadeildinni.
Austurríki vann leikinn 2-1 en sigurmarkið kom á 93. mínútu leiksins. Norður-Írland náði ekki í stig úr fjórum leikjum.
O’Neill er enginn aðdáandi Þjóðadeildarinnar og vonar að sínir menn verði tilbúnir fyrir undankeppni EM í mars.
,,Okkur var refsað í lokin. Stuart Dallas hefði getað komið boltanum burt og endað leikinn,“ sagði O’Neill.
,,Þetta var frábær nýting sem skilur liðin að. Það var viðbjóður að tapa leiknum svona.“
,,Það eru þó fleiri jákvæðir punktar en neikvæðir. Við þurfum bara að gleyma því að Þjóðadeildin hafi verið fundin upp og byrja aftur í mars.“