Jurgen Klopp, stjóri Liverpool, hefur gefið í skyn að hann gæti notað Sadio Mane aftar á vellinum í framtíðinni.
Mane spilar mjög framarlega á vellinum þessa dagana en Klopp telur að hann hafi gæðin til að færa sig aftar.
,,Síðan hann kom inn hefur hann hjálpað liðinu svo mikið og bætt sig mikið. Hann er magnaður sóknarmaður,“ sagði Klopp.
,,Ef þú spyrð mig þá er hann framherji en stundum er hann miðjumaður og hann getur líka spilað aftar á vellinum.“
,,Við þurfum ekki að nota hann þar því við erum með aðra leikmenn en hann gæti leyst þá stöðu.“
