Liverpool á Englandi er sagt vera að skoða efnilegan leikmann Middlesbrough sem ber nafnið Dael Fry.
Fry er 21 árs gamall varnarmaður og hefur vakið athygli fyrir sína frammistöðu á leiktíðinni.
Fry hefur leikið 31 deildarleik fyrir Boro en hann er uppalinn hjá félaginu og á að baki fjölmarga landsleiki fyrir yngri landslið Englands.
Boro hefur verið að gera góða hluti á þessari leiktíð og situr í öðru sæti ensku Championship-deildarinnar.
Liðið hefur aðeins fengið á sig átta mörk í 17 leikjum sem er langbesti árangur deildarinnar.
Samkvæmt the Express hafa njósnarar Liverpool horft á Fry spila sex leiki á þessari leiktíð.