Saul Niguez, leikmaður spænska landsliðsins, vill að fólk og fjölmiðlar hætti að gagnrýna liðsfélaga sinn, David de Gea.
De Gea er talinn vera einn besti markvörður heims en þykir ekki spila eins vel meö landsliðinu og félagsliði sínu, Manchester United.
Saul vill að fólk hætti að kenna De Gea um gengi spænska liðsins sem hefur verið slakt í dágóðan tíma.
,,Þegar þú gagnrýnir einn leikmann svona mikið þá hefur það áhrif á okkur alla,“ sagði Saul.
,,Jafnvel þó við segjum: ‘Nei það er ekki gott fyrir neinn að De Gea fái gagnrýni, þetta á ekki að vera svona.’
,,Hann er einn sá besti í heiminum. Það gætu komið tímar þar sem þú hefur skoðun á frammistöðunni en það er ósanngjarnt að kenna De Gea um.“