Ryan Giggs, landsliðsþjálfari Wales, hefur ákveðið að gefa hinum 18 ára gamla Rabbi Matondo tækifæri í aðalliðinu.

Þetta var staðfest í dag en Rabbi er 18 ára gamall og er samningsbundinn Manchester City á Englandi.

Hann kom þangað frá Cardiff fyrir tveimur árum en hefur enn ekki leikið fyrir aðalliðið.

Rabbi býr yfir gríðarlega miklum hraða en hann er fljótari en bæði Kyle Walker og Leroy Sane.

,,Við vorum í þolprófi og augljóslega þá tökum við 20 metra spretti,“ sagði Rabbi.

,,Það kom svo í ljós að ég er fljótasti leikmaður akademíunnar, síðar kom í ljós að ég væri fljótasti leikmaður félagsins.“

,,Ég er ekki svo viss en það er það sem þeir sögðu mér og eins og þið vitið eru nokkrir mjög fljótir leikmenn hjá City.“