Trent Alexander-Arnold, hefur farið yfir bestu eiginleika Jurgen Klopp sem er þjálfari hans hjá Liverpool.

Alexander-Arnold hefur bætt sig mikið undir stjórn Klopp og þakkar hann Þjóðverjanum fyrir.

Bakvörðurinn segir að Klopp sé alltaf hreinskilinn við sína leikmenn og veit hvernig á að fara að hlutunum, maður á mann.

,,Hann vill ná því besta úr öllum leikmönnum og mér líkar við hversu hreinskilinn hann er,“ sagði Alexander-Arnold.

,,Hann er alltaf hreinskilinn og opinn og það er gott því þú veist að hann talar sannleikann. Þú hlustar og reynir að aðlagast.“

,,Hvernig hann fer að þessu er fullkomið. Hann veit hvenær á að láta menn heyra það og hvenær á að taka utan um einhvern og hjálpa þeim á erfiðum tímum.“