Það vakti athygli í gær þegar Sadio Mane, leikmaður Liverpool, yfirgaf völlinn grátandi er hann lék með landsliði Senegal.
Mane lék með Senegal í 1-0 sigri á Miðbaugs-Gíneu en margir veltu því fyrir sér af hverju framherjinn væri svo sár eftir sigurinn.
Nú er greint frá því að Mane hafi grátið vegna hegðun stuðningsmanna Senegals sem bauluðu á hann í leiknum.
Mane hefur verið einn besti leikmaður Liverpool undanfarin ár en hefur ekki náð að sýna það sama með landsliðinu.
Stuðningsmenn eru ekki ánægðir með frammistöðu Mane með landsliðinu en hann klikkaði á dauðafæri í 1-0 sigrinum í gær.
Eftir það fengu margir nóg og byrjuðu að baula á Mane sem missti sig svo alveg eftir lokaflautið.