Virgil van Dijk, leikmaður Liverpool, hefur tjáð sig um varnarmanninn umdeilda hjá Real Madrid, Sergio Ramos.
Samherji Van Dijk, Dejan Lovren hefur verið í deilum við Ramos undanfarið en þeir mættust allir í úrslitum Meistaradeildarinnar í maí.
Van Dijk virðir það sem Ramos hefur gert á ferlinum en er þó ekki hans helsti aðdáandi.
,,Hann er frábær leikmaður og ég virði það sem hann hefur gert en hann er ekki mín týpa af varnarmanni,“ sagði Van Dijk.
,,Samherji Ramos hjá Real Madrid, Raphael Varane er í uppáhaldi hjá mér. Hann er frábær varnarmaður og hefur nú þegar unnið mikið.“