Eric Cantona, fyrrum leikmaður Manchester United, er mikill grínisti og notar samskiptamiðla reglulega í dag.
Cantona var frábær leikmaður á sínum tíma en hefur reglulega verið í sviðsljósinu eftir að skórnir fóru á hilluna.
Frakkinn ákvað að skemmta sér aðeins á dögunum en hann var staddur á flugvelli í Kuala Lumpur.
Þar sá Cantona sofandi mann sem hafði skilið skóna sína eftir undir bekknum þar sem hann lá.
Cantona tók upp á því að stela skó mannsins og hljóp í burtu án þess að maðurinn hafði nokkra hugmynd um hvað væri í gangi.
Vonandi fyrir þennan ágæta mann þá skilaði Cantona skónum en það liggur ekki fyrir að svo stöddu!