Manchester United mun spila við Leeds United í fyrsta sinn í átta ár en búið er að skipuleggja leik á milli liðanna.
Leikurinn fer fram í Ástralíu á næsta ári og verður partur af undirbúningstímabilinu fyrir tímabilið 2019/2020.
Enskir miðlar greina frá þessu í dag en opinber tilkynning verður gefin út á miðvikudaginn.
United mun spila við ástralska félagið Perth Glory þann 13. júlí og svo Leeds fjórum dögum síðar.
Leeds er sögufrægt félag á Englandi en liðið hefur þó verið í næst efstu deild undanfarin ár.
Síðast mættust liðin árið 2011 er United hafði betur 3-0 á Elland Road í enska deildarbikarnum.