Zlatko Dalic, landsliðsþjálfari Króata, ætlar að ræða við varnarmanninn Dejan Lovren á næstunni.
Lovren kom sér í fréttirnar á dögunum eftir sigur Króatíu á Spáni en þar mætti hann Sergio Ramos.
,,Haha, 3-2. Talaðu núna vinur! Spánverjar eru hópur af aumingjum,“ sagði Lovren á Instagram eftir 3-2 sigur Króata.
Lovren og Ramos hafa rifist undanfarnar vikur eftir að sá fyrrnefndi vildi meina að hann væri ekki eins mistækur og Ramos.
Dalic tekur ekki vel í þetta og ætlar að ræða við sinn mann um málið.
,,Ég mun persónulega ræða við Dejan en það samtal verður á milli okkar og hópsins. Ég vil ekki ræða um þetta opinberlega,“ sagði Dalic.