Það eru ekki margir knattspyrnustjórar sem myndu hafna stórliði Paris Saint-Germain í Frakklandi.
Andre Villas-Boas er einn af þeim sem hefur sagt nei en PSG vildi fá hann til sín eftir tímabilið 2013/2014.
Portúgalinn ákvað að hafna því boði til að halda áfram í London en entist ekki mikið lengur í starfi áður en hann var rekinn.
,,Fyrsta tímabilið var frábært í alla staði. Við vorum með minni hóp þegar kom að breidd en andinn var svo góður og viljinn til staðar,“ sagði Villas-Boas.
,,Við fengum flestu stig í sögu Tottenham með ótrúlegan Gareth Bale sem spilaði fyrir aftan Emmanuel Adebayor.“
,,Hann var í frjálsu hlutverki en svo vorum við með Aaron Lennon og Kyle Walker sem gerðu okkur öfluga í skyndisóknum.“
,,Ég fékk svo tilboð frá Paris Saint-Germain sem vildi fá mig. Ég sagði nei því ég elskaði Tottenham. Það voru mögulega mistök.“
