Wayne Rooney spilaði sinn síðasta landsleik fyrir England í gær í kveðjuleik gegn Bandaríkjunum.
Rooney spilaði sinn 120. landsleik í 3-0 sigri en hann leikur í dag með DC United í einmitt Bandaríkjunum.
Brad Guzan, markvörður Bandaríkjanna í leiknum, ræddi við Rooney eftir leik en hann var á sínum tíma markvörður Aston Villa.
,,Ég óskaði honum bara til hamingju, ég óskaði honum til hamingju með frábæran feril,“ sagði Guzan.
,,Við ræddum aðeins saman í göngunum eftir leik. Það hefur reynst honum gott að fara til Bandaríkjanna.“
,,Hann hefur komið sér vel fyrir og fjölskyldan er ánægð. Það var gott að geta séð hann spila aftur með bros á vör, hann nýtur þess að spila fótbolta.“