Það er bannað að tala um myndbandstækninga VAR við miðjumanninn Ivan Rakitic.

Í gær var það staðfest að VAR yrði tekið upp í ensku úrvalsdeildinni á næstu leiktíð en flestar deildir eru byrjaðar að nota tækið.

Rakitic er þó alls enginn aðdáandi VAR eftir úrslitaleik HM í sumar þar sem Króatar töpuðu 4-2 gegn Frökkum.

,,Ekki tala við mig um VAR. Mig hefur dreymt um þetta þúsund sinnum,“ sagði Rakitic um úrslitaleikinn.

,,Þetta var kannski okkar besti leikur. Við vorum betri í klukkutíma, miklu betri. Það var hægt að sjá það á svipbrigðum andstæðinga okkar.“

,,Við gátum séð það að Frakkar vissu ekki hvernig átti að stöðva okkur, hvernig þeir áttu að komast upp völlinn og sækja.“

,,Í þessum úrslitaleik þá voru fótboltaguðirnir í liði með Frökkum. Fyrra markið kom eftir aukaspyrnu sem var ekki aukaspyrna. VAR hefði getað komið í veg fyrir það því Paul Pogba var rangstæður.“

,,Allt sem bætir fótboltann er gott en VAr, það stoppar leikinn og fótboltinn tapar einhverju á því. Þú skorar og getur ekki fagnað því þú þarft að bíða eftir ákvörðun dómarans.“