Steven Gerrard, stjóri Rangers í Skotlandi, hefur engan áhuga á því að taka strax við sínu uppeldisfélagi, Liverpool.
Gerrard er nú að reyna fyrir sér í þjálfun en hann tók við Rangers fyrir tímabilið og er það hans fyrsta stjórastarf.
Gerrard segist þó að sjálfögðu vilja stýra Liverpool einn daginn en það verður ekki á næstunni.
,,Það getur allt gerst. Vil ég gerast stjóri Liverpool í dag? Svarið er nei,“ sagði Gerrard við Guardian.
,,Ég vil vera stjóiri Rangers. Ég vil ná árangri hjá Rangers. Þetta er heimskuleg spurning, hvort ég vilji taka við Liverpool einn daginn.“
,,Ég held að allir í heiminum viti svarið við þessari spurningu. Ég elska þó Jurgen Klopp og trúi því að hann geti hjálpað Liverpool að vinna deildina.“