Sergio Ramos varnarmaður Real Madrid ætlar ekki í neitt stríð við Dejan Lovren varnarmann Liverpool.
Lovren sagði í vikunni að Ramos gerði miklu fleiri mistök en hann sjálfur, þrátt fyrir það væri hann í Real Madrid.
Það andar köldu á milli Ramos og leikmanna Liverpool eftir að Real Madrid vann Meistaradeildina í vor og Mo Salah meiddist.
,,Ég hef sagt þetta áður, ég veit ekki af hverju menn segja svona hluti, hvort það sé pirringur eða eitthvað,“ sagði Ramos.
,,Ég ætla ekki að svara Lovren eða þeim sem vilja komast á forsíður eða byrja með stríð.“
,,Þú vinnur þín afrek á vellinum.“