Meðlimir úr Glazer fjölskyldunni eru staddir í Sádí-Arabíu sem ýtir undir sögur um að félagið gæti fengið nýja eigendur.

Sögur eru á kreiki um að krónprins Sádí-Arabíu vilji kaupa félagið.

Mohamed bin Salman er mjög vel efnaður en talið er að Glazer fjölskyldan myndi skoða að selja United fyrir 4 milljarða punda.

Það ætti að vera lítið mál fyrir Mohamed bin Salman en eigur hans eru metnar á 850 milljarða punda.

Sagt er að Bin Salman vilji eignast fótboltafélag í fremstu röð og horfir hann helst til United.

Ástæðan er sú að hann vill keppa við eigendur Manchester City frá Abu Dhabi.