Usain Bolt, fljótasti maður heims, leitar sér að liði þessa dagana en hann vill gerast atvinnumaður í knattspyrnu.
Bolt hefur lagt hlaupaskóna á hilluna og hefur undanfarna mánuði verið á reynslu hjá hinum ýmsu liðum.
Fyrrum framherjinn Andy Keogh gagnrýndi Bolt á dögunum og líkti fyrstu snertingu hans við trampólín.
Bolt hefur ekki áhyggjur af ummælum Keogh og segist hafa fengið stuðning frá þeim Raheem Sterling og Paul Pogba.
,,Fólk segir það sem það það vill. Ég er vanur þessu. Fólk gagnrýndi mig þegar ég stundaði frjálsar íþróttir og ég sannaði mig þar á hverju ári,“ sagði Bolt.
,,Fótbolti er eitthvað sem ég vil stunda. Ég er viss um að hann [Keogh] sé ekki í sama gæðaflokki og hann var þegar hann byrjaði, veistu hvað ég á við?“
,,Ég tek þessu ekki persónulega. Ég hlæ bara að þessu því ég hef hitt leikmenn eins og Patrick Vieira, ég hef hitt svo marga góða leikmenn.“
,,Ég hef rætt við Pogba og Sterling og þeir eru ánægður með að ég sé að reyna, þeir segja við mig ‘koma svo, þú getur þetta!’
,,Þeir styðja við bakið á mér svo ég hef ekki áhyggjur af einhverjum leikmönnum sem tjá sig. Ég er með stóra leikmenn í mínu horni sem þekkja þennan draum.“