Alexis Sanchez virðist eiga í vandræðum með líf sitt þessa dagana en hann er sagður vilja burt frá Manchester United.
Sanchez gekk í raðir United í janúar og er launahæsti leikmaður deildarinnar.
Hann hefur hins vegar ekki spilað vel og hefur hug á að fara en hegðun hans í Manchester er ekki það eina sem veldur áhyggjum.
Í heimalandi hans Síle er hegðun hans sögð furðuleg, hann situr oftar en ekki einn í verkefnum með landsliðinu.
Eftir æfingu liðsins í viunni sat Sanchez einn úti í horni í klukkutíma á meðan aðrir leikmenn voru að spjalla og leika sér með boltann.
Í fjölmiðlum í Síle eru menn sagðir hafa talsverðar áhyggjur af þessu en Sanchez er stærsta stjarna liðsins.
