Franck Ribery, leikmaður Bayern Munchen, hefur beðið blaðamanninn Patrick Guillou afsökunar.
Ribery varð mjög reiður um helgina eftir umfjöllun Guillou um leik Bayern og Dortmund í Bundesligunni en Dortmund hafði betur, 3-2.
Ribery sló þrisvar til blaðamannsins í reiðiskasti eftir leik en þeir ræddu svo saman undir fjögur augu.
,,Ég hef hitt Patrick Guillou og það var gott að hann hafi komið hingað til Munchen,“ sagði Ribery.
,,Við ræddum saman í langan tíma og um það sem gerðist eftir leikinn gegn Dortmund.“
,,Auðvitað var þetta rangt, það sem ég gerði. Ég var fullur af mismunandi tilfinningum eftir leikinn.“
,,Ég bað hann og fjölskyldu hans afsökunar. Ég vona að við getum gleymt þessu – þess vegna var þessi fundur mikilvægur fyrir okkur.“
