Marko Arnautovic, leikmaður West Ham á Englandi, er opinn fyrir því að yfirgefa félagið á næsta ári.
Arnautovic er einn allra mikilvægasti leikmaður West Hm og kostaði félagið 25 milljónir punda í fyrra.
Hann er þó mögulega að horfa í kringum sig en framherjinn vill keppast við bestu leikmenn heims.
,,Ég er 29 ára gamall og það er besti aldurinn,“ sagði Arnautovic í samtali við Kurier.
,,Það er augljóst að ég vil keppa við bestu leikmennina en þegar kemur að þessum málum þá treysti ég bróður mínum.“
Bróðir Marko er Danijel Arnautovic en hann er einnig umboðsmaður leikmannsins.