Eric Steele fyrrum þjálfari hjá Manchester United telur að David De Gea gæti hugsað sér að fara frá félaginu.

Steele er markmannsþjálfari og vann náið með De Gea sem er í dag orðinn einn fremsti markvörður í heimi.

,,David er klárlega með hugann við United eins og staðan er í dag,“ sagði Steele.

,,Hann á í frábæru sambandi við stuðningsmennina, hann vill vera sigurvegari og hann gæti skoðað aðra kosti.“

,,United er samt áfram í möguleika á slíku og er áfram í Meistaradeildinni.“

,,Hann sér önnur félög stækka og verða sterkari, hann er 28 ára og að komast á sín bestu ár. Það er eðlilegt að hann horfi til annara félaga.“

Sagt er að De Gea vilji ekki framlengja samning sinn hjá United fyrr en hann sér að félagið sé á réttri leið.