Diego Maradona þjálfari Dorados í Mexíkó ætlar að skella sér í ferð til Manchester og fá ráð frá Jose Mourinho, stjóra Manchester United.

Maradona segir að Mourinho sé besti þjálfari í heimi og að hann geti lært af honum.

Hann gefur lítið fyrir árangur Pep Guardiola stjóra Manchester City.

,,Af því að Mourinho er sá besti, án nokkurs vafa,“ sagði Maradona um það af hverju hann ætlaði ekki að heimsækja Guardiola.

,,Að mínu mati er Mourinho er sá besti, Guardiola hefur tekið upp hluti sem Johan Cruyff gerði.“

,,Ég hef sagt það svo oft áður að tiki-taka fótboltinn var ekki fundinn upp af Guardiola. Pep getur keypt hvaða leikmann sem er í heimi og þess vegna gengur honum betur.“