Adnan Januzaj kantmaður Real Sociedad er ekki sáttur við það að hafa aldrei fengið tækifæri undir stjórn Jose Mourinho hjá Manchester United.

Á fyrsta ári Mourinho, þá var Januzaj lánaður til Sunderland. Hann var svo seldur fyrir annað tímabil Mourinho.

Januzaj er aftur byrjaður að spila vel og er mættur í landslið Belgíu á nýjan leik.

,,Ég fékk aldrei tækifæri hjá Mourinho, hann vildi reyndari leikmenn,“ sagði Januzaj sem var seldur til Real Sociedad.

,,Það var ekkert vandamál, ég varð að halda áfram og er ánægður með lífið á Spáni. Ég er að gera gæfumuninn, ég vissi alltaf að ég væri nógu góður fyrir United. Ég veit hvað ég get.“

,,Mourinho gaf mér aldrei tækifæri, ég er ánægður á Spáni og nýt fótboltans.“