Slavisa Jokanovic var rekinn frá liði Fulham í morgun eftir mjög slæma byrjun í ensku úrvalsdeildinni.

Fulham situr á botni úrvalsdeildarinnar en talið var að Jokanovic myndi fá einn leik til að bjarga starfinu.

Stuðningsmönnum var tjáð það á mánudaginn en stjórnarformaður félagsins, Alistair Mackintosh, hélt þá fund.

Þar var greint frá því að starf Jokanovic væri öruggt eins og staðan er og að hann yrði við stjórnvölin í næsta leik gegn eftir landsleikjahlé.

Fulham tók svo U-beygju í dag og ákvað að reka Jokanovic. Hann kom liðinu upp um deild á síðustu leiktíð.

Félagið var ekki lengi að finna mann í stað Jokanovic en Claudio Ranieri var ráðinn til starfa í dag.