Benjamin Mendy, bakvörður Manchester City, er búinn í aðgerð á hné en þetta staðfesti félagið í dag.
Mendy flaug til Barcelona í dag til að gangast undir aðgerð en meiðsli hans komu upp nýlega.
Mendy er lykilmaður hjá City undir stjórn Pep Guardiola en missti af miklu á síðustu leiktíð vegna einmitt, hnémeiðsla.
Þá gekkst Mendy einnig undir aðgerð og kom sterkur til baka og hefur byrjað þetta tímabil mjög vel.
Ekki er um sama hné að ræða og verður bakvörðurinn frá keppni næstu átta vikurnar samkvæmt fregnum.