Martin Demichelis, fyrrum leikmaður Bayern Munchen, segir að það sé mjög sérstakt að vinna með Hollendingnum, Louis van Gaal.
Van Gaal og Demichelis unnu saman hjá Bayern á sínum tíma en hann stýrði liðinu frá 2009 til 2011.
Demichelis rifjar upp athyglisverða sögu þar sem hann þurfti sjálfur að róa Van Gaal niður í hálfleik er Bayern var 3-0 yfir í deildarleik.
,,Ef ég tala um frábæran stjóra en stjóra sem var algjörlega klikkaður: Van Gaal. Hann fer oft yfir strikið,“ sagði Demichelis.
,,Í eitt skipti vorum við að vinna 3-0 í hálfleik og hann kom inn í búningsklefann og sparkaði í hurðina, treyjutöskurnar og byrjaði að öskra á alla og sagði að þetta hafi verið stórslys.“
,,Sem fyrirliði þá þurfti ég að róa hann niður: ‘Hættu að móðga okkur, sýndu okkur smá virðingu.’
,,Ég spilaði illa í síðari hálfleik og ástæðan fyrir því var að ég var andlega úr jafnvægi eftir þetta atvik.“