Maurizio Sarri, stjóri Chelsea, setti met í gær er hans menn gerðu markalaust jafntefli við Everton.
Chelsea hefur oft spilað betur en í gær en var þó sterkara liðið og fékk nokkur tækifæri til að skora.
Sarri hefur byrjað feril sinn á Englandi vel og hefur Chelsea ekki tapað í 12 deildarleikjum undir hans stjórn.
Það er nýtt met fyrir nýliða í ensku úrvalsdeildinni en enginn hefur byrjað eins vel og Ítalinn í sögunni.
Chelsea hefur aðeins tapað einum leik undir stjórn Sarri í öllum keppnum og var það hans fyrsti leikur í Samfélagsskildinum gegn Manchester City.