Gonzalo Higuain, leikmaður AC Milan, fékk rautt spjald í gær í leik gegn Juventus í Serie A.
Higuain átti alls ekki góðan leik en hann bæði klikkaði á víti og fékk rautt spjald gegn sínum fyrrum félögum.
Higuain fékk gult spjald fyrir brot í síðari hálfleik og reif svo kjaft við dómara leiksins og fékk annað gult spjald í kjölfarið.
Cristiano Ronaldo, leikmaður Juventus, hefur nú komið Higuain til varnar og vonar að honum verði ekki refsað of harkalega.
,,Ég sagði honum að róa sig, hann var í hættu á að fá mun verra bann,“ sagði Ronaldo við Sky Sports.
,,Hann gerði ekki það mikið, hann var pirraður. Það er skiljanlegt. Ég vona að honum verði ekki refsað of mikið.“