Nemanja Vidic, fyrrum leikmaður Manchester United, neitar að gagnrýna núverandi þjálfara liðsins, Jose Mourinho.
Vidic hefur sjálfur áhuga á því að gerast knattspyrnustjóri United í framtíðinni en hann hefur nú lagt skóna á hilluna.
,,Ef ég á að vera hreinskilinn þá vil ég gerast knattspyrnustjóri í framtíðinni,“ sagði Vidic við beIN Sports.
,,Ég held því fram að ég viti mikið af hlutum. Fyrir mig sem mögulegan framtíðarstjóra, þá er það ekki sanngjarnt að gagnrýna Jose Mourinho.“
,,Þetta er ekki það United lið sem við erum vön að sjá. Þetta er lið Mourinho og þegar hann kom þangað þá þurftiru að sætta þig við það að hann myndi spila sinn fótbolta.“
,,Þetta er eins fótbolti og hann spilaði hjá Inter, Chelsea og Real Madrid þó að hann hafi kannski verið aðeins opnari.“