Alexandre Lacazette, leikmaður Arsenal, var kallaður í franska landsliðshópinn fyrr í dag.
Lacazette og Moussa Sissoko áttu að taka pláss Anthony Martial og Paul Pogba sem eru að glíma við meiðsli.
Lacazette hefur þó hafnað kalli Didier Deschamps og segist ekki vera nógu heill heilsu til að leika fyrir þjóðina.
Samkvæmt fregnum er Lacazette lítillega meiddur í læri og vill ekki taka neina áhættu.
Alassane Plea, leikmaður Borussia Monchengladbach, verður partur af hópnum í stað Lacazette.
Plea hefur verið í stuði fyrir Gladbach á tímabilinu og er með átta mörk í 11 leikjum í Bundesligunni.