Pep Guardiola, stjóri Manchester City, á von á sekt frá enska knattspyrnusambandinu eftir ummæli sem hann lét falla á dögunum.
Enska sambandið krefst svara frá Guardiola þessa stundina eftir ummæli um dómarann Anthony Taylor.
Guardiola ræddi Taylor fyrir leik helgarinnar gegn Manchester United en það er ekki leyft af sambandinu.
Taylor dæmdi leik City og United á sunnudag en bannað er að tjá sig um dómara áður en flautað er til leiks.
,,Hann mun reyna að sinna sínu starfi af bestu getu,“ sagði Guardiola um Taylor.
,,Alveg eins og við gerum sem þjálfarar og leikmenn. Herra Taylor mun reyna að eiga góðan leik.“
Guardiola hefur til 18:30 á fimmtudaginn til að svara fyrir sig.